Shayari / शायरी

tume samne ho aur… Imran Lodhi – Brampton, GTA.

Imran Lodhi — Sat, 19 Jun 2010 07:14:24 +0000

tume samne ho aur baat na ho to aisa lagta hai

jaise suraj ho aur us main dhoop na ho

jaise dulhan ho aur us main roop na ho

jaise chand ho aur us main chandani na ho

jaise geet ho aur us main ragani na ho

tume samne ho aur baat na ho to aisa lagta hai

jaise dil ho aur us main dharkan na ho

jaise irada ho aur us main tarpan na ho

jaise jism ho aur us main jaan na ho

jaise jawan ho aur us main armaan na ho

tume samne ho aur baat na ho to aisa lagta hai

jaise aankh ho aur us main noor na ho

jaise banda ho aur us main qsoor na ho

jaise lab hon aur oon main laali na ho

jaise khait ho aur oon main haryali na ho

Dillagi

Imran Lodhi — Wed, 09 Jun 2010 13:31:54 +0000

tuhain paney ke li’ey to sirf dil daina para
kho kar tumhain zindagi se hath dhona para
tere intizar ne is qadar diwana kar dia keh
baseerat ke sath sath basarat ko khona para
intizar ki lumbi ratain jagin kutch is tarah se
ek sham hamasha key li’ey phir sona para
muhabbat itni ho gai us khawbon ki shahzadi se
keh baidar ho kar phir umr bhar rona para
muhabbat aur dillagi ka farq woh ne samjhay sake
hamra dil hey ab unke li’ey ik tota khilona para

sangdil

Imran Lodhi — Mon, 07 Jun 2010 14:43:08 +0000

yoon to muhabbat ek suhana khawab he
per kisi pathardil ki chahat bara azab he
socha tha pa lain ge usko apni muhabbat se
magar us sangdil main to muhabbat hi nayab he
guzrey gi zindagi apni ab ek kurb ke saath
Khuda janey kitni door abhi roze hisab he
uske inkaar ka main kaisey yaqin kar loon
mera vajood to uske nigah ka intikhab he

sawal

Imran Lodhi — Thu, 03 Jun 2010 14:31:27 +0000

dunia ke nigahon se khud ko bachaoon kaisey
jab tujh se piyar he to tujh se chupaoon kaisey
meray ghum ke motioon main tera piyar beh na jai
tu hi bata ey sangdil phir aansoo bahaoon kaisey
meri diwangi ko ek hasrat banaya tu ne
meri khata he to sub ko rulaoon kaisey
likha he zakhmon ne meray jism pe tera naam
hata ke poshak apni sub ko dikhaoon kaisey
kho gaya he mera dil kahin teri talash main
kahin door nikal gaya he isey bulaoon kaisey
ishq ke rastay pe buhat aagay nikal gaya hoon
phir main tujh se yeh duniadari nibhaoon kaisey
dekha he jab se tujhe ik chup si lag gai he isay
meray dil ko kiya huwa he isay manaoon kaisey

sham e zindagi

Imran Lodhi — Thu, 27 May 2010 18:02:02 +0000

jo woh haseenon ki haseen na hoti
to khabi is dil ki makeen na hoti
na cha jati meray dimagh pe yoon
agar woh sitam gar zaheen na hoti
sath uska hota to kiya accha hota
sham e zindagi yoon ghamgeen na hoti

dosto

Imran Lodhi — Wed, 26 May 2010 14:44:31 +0000

ashqi main kuch naam kar ja’ain ge dosto
kuch na ban paya to mar ja’ain ge dosto

hum boo’ey muhabbat, hain muqaddar us ka
woh kali na khili to bikhar ja’ain ge dosto

shahr e wafa ki janib ummid se chale hain
jo wahan jafa mili to kidhar ja’ain ge dosto

us ki nazar andazi aur dunia ke zubandarazi
yehi rakht e safar ho ga jidhar ja’ain ge dosto

jafa uski bistar e marg pe laai hum ko
rah taktey taktey uski guzar ja’ain ge dosto

faqir

Imran Lodhi — Tue, 25 May 2010 15:09:31 +0000

muhabbat ke faqir hum hain, yahan bhi aur wahan bhi
yahan tujh se piyar manga, manga Rab se tujhay wahan bhi
teri mastani baghi aakhain, hain aziz kitni mujh ko
pichay phirain hain meray, main gaya jahan jahan bhi

phool aur dhool

Imran Lodhi — Thu, 20 May 2010 18:14:34 +0000

us phool ki kiya qismat, jo teray dar peh khil gya he
teray didar ka thikana, khoob usko mil gya he
hum pyar ke musafir, hain dhool teri gali ki
teray her qadam ke nichey, bich yeh dil gya hai

zauq

Imran Lodhi — Thu, 20 May 2010 14:47:53 +0000

galey main gham ka tauq to batata hay
tera inkaar meray shauq ko jagata hay
ishq ke taptay sahra’on main chal key dekha
sarab tera moat key zauq ko barhata hay

Jabar

Imran Lodhi — Thu, 20 May 2010 04:21:21 +0000

meray dil key totnay ki, jo tumhain khabar ho jai
is key hazaron tukron peh, jo tumhari nazar ho jai
samandar baha’ain gi aankhain, tumhari ro ro kar
zindagi tumharey liay shayad, phir jabar ho jai